Нацыянальны гістарычны музей Рэспублікі Беларусь



04.08. - 02.09. КІНАХІТЫ МІНУЛАГА СЕЗОНА

падборка класічных фільмаў, якія выклікалі найбольшую зацікаўленасць
у наведвальнікаў музея ў перыяд з верасня 2017 г. па чэрвень 2018 г.

04 жніўня (субота) 15-00 і 17-00
НАРОДЖАНАЯ ТАНЦАВАЦЬ (Born to Dance). ЗША, 1936 год, ч/б, 105 хвіл.
Рэж. Рой Дэл Рут. Камп. Кол Портэр. У гал. ролях – Элеанор Паўэл і Джэймс Сцюарт. 
Камедыйны мюзікл з няхітрым сюжэтам пра нараджэнне новай брадвейскай зоркі, але ўражваючым песенна-танцавальным шоу, бясцэннымі музычнымі нумарамі. Іх змест (з танчэйшымі і складанымі нюансамі танца, чым звычайна у мюзіклах 1930-х гг.) з'яўляецца красамоўнай ілюстрацыяй назвы фільма, пацвярджаючы думку многіх аўтарытэтных экспертаў пра Паўэл, як пра адну з лепшых танцоўшчыц Галівуда (удастоенай, дарэчы, ў 1984 г. персанальнай зоркі на тамашней Алеі Славы). Фільм складаецца і з яшчэ аднаго рэдкага відовішча – Дж. Сцюарт упершыню на экране спявае і нядрэнна танцуе. Намінацыі на «Оскар» за лепшую песню («I've Got You Under My Skin») і лепшую пастаноўку танца (1937).

05 жніўня (нядзеля) 15-00 і 17-00
УСЯ ГЭТА МІТУСНЯ (All That Jazz). ЗША, 1979, 119 хвіл.
Рэж. Боб Фосі. Камп. Ральф Бёрнс. У ролях: Рой Шнайдар, Джэсіка Лэнг, Эн Райнкінг, Лілэнд Палмер.
Пабудаваны на арэчаўленых, матэрыялізаваных сімвалах, шмат у чым аўтабіяграфічны мюзікл-прытча (у 1975 г. пасля інфаркту Фос быў на грані смерці) пра будні «на мяжы чалавечых магчымасцяў» пастаноўшчыка брадвейскіх музычных спектакляў, дзе эфектныя танцавальныя нумары спалучаюцца з поўнымі горкай іроніі разважаннямі пра цану поспеху ў шоу-бізнесе. «Оскары» за лепшыя музычнае афармленне, работу мастака-пастаноўшчыка і дэкаратараў, мастака па касцюмах, мантаж; «Залатая пальмавая галіна» на МКФ у Канне; прэміі БАФТА за работу аператара і мантаж; прыз «Бадзіль» за лепшы амерыканскі фільм года ў Даніі (1980).
   
08 жніўня (серада) 15-00 і 18-30
СУНІЧНАЯ ПАЛЯНА (Smultronstallet).  Швецыя, 1957, ч/б, 95 хвіл.
Рэж. Інгмар Бергман. У ролях: Віктар Шострэм, Бібі Андэрсан, Інгрыд Тулін, Гунар Бьёрнстранд, Макс фон Сюдоў.   
Філасофскі шэдэўр найбуйнейшага еўрапейскага кінарэжысёра, глыбокае даследаванне ізаляванасці чалавека ў сучасным свеце, якое змяшчае ўсе асноўныя матывы яго творчасці: любоў як расчараванне і адраджэнне, рэлігійныя сумненні і шуканні, зацікаўленасць духоўным светам жанчыны, пошук сэнсу жыцця ў простых штодзённых радасцях. «Залаты мядзведзь» і прыз ФІПРЭСІ «за выкананне галоўнай мужчынскай ролі» В.Шострэму на VIII МКФ у Заходнім Берліне; прэмія «Срэбная стужка» італьянскай кінакрытыкі на XIX МКФ у Венецыі; спецыяльная прэмія І.Бергману на XI МКФ у Каннах (1958).

10 жніўня (пятніца) 15-00 і 18-30
ТАТУІРАВАНАЯ РУЖА (The Rose Tattoo). ЗША,1955, 117 хвіл. 
Рэж. Дэніэл Ман. У гал. ролях – Анна Маньяні і Берт Ланкастэр.
Рамантычная драма па п'есе Тэнэсі Ўільямса (дарэчы, напісанай адмыслова для зачараваўшай яго Ганны Маньяні) пра падзеі ў простай сям'і, мірнае ціхае жыццё якой раптам руйнуецца смерцю кармільца, забітага паліцэйскімі пры спробе правезці кантрабанду. За ролю па маладосці энергічнай удавы з, як адзначалі крытыкі, «чароўным італьянскім акцэнтам» А.Маньяні першай сярод замежных актрыс была адзначана «Оскарам» у намінацыі «лепшая жаночая роля» (1955). Таксама за гэтую ролю яна атрымала «Залаты глобус» (як лепшая актрыса ў драме) (1956) і Прэмію BAFTA (як лепшая замежная актрыса) (1957)… Мастаком па касцюмах на кінастужцы была Эдзіт Хэд – самая тытулаваная жанчына за ўсю гісторыю Галівуда (8 Оскараў).

11 жніўня (субота) 15-00 і 17-00
БРАДВЕЙСКАЯ МЕЛОДЫЯ 1940 ГОДА  (Broadway Melody of 1940). ЗША, 1940, 102 хвіл.
Рэж. Норман Таўрог. Камп. Коўл Портэр. У гал. ролях – Элеанор Паўэл і Фрэд Астэр.
Меўшы велізарны поспех у гледачоў і прыхільнікаў эстраднага танца мюзікл, які часта завецца гісторыкамі кіно адным з лепшых твораў Галівуда ў сваім жанры. І няхітра: у ім заняты ледзь не самы выбітны танцавальны дуэт у гісторыі сусветнага кіно! Паўэл аказалася найболей гарманічным і хвалюючым партнёрам Астэра, ні ў чым не саступаючы яго бездакорнаму танцавальнаму майстэрству. Як адзначалася ў адной з рэцэнзій, у адной са сваіх цудоўных чачотак («Begin the Beguine») зорны дуэт заставіў «экран даслоўна шыпець». Фільм пацверджвае: не далёкія ад праўды і тыя, хто лічыў Паўэл адзінай танцоўшчыцай, здольнай у танцы «пабіць» Астэра… Для разнастайнасці зместу, аўтары ўпершыню ўключылі ў сюжэт камічны нумар з цыркавой жанглёркай дзіцячымі мячамі і талеркамі, які ўвайшоў у спіс 100 самых смешных фрагментаў Галівуда. А легендарны амерыканскі кампазітар К.Портэр напісаў для фільма адну з лепшых сваіх песень, якая ўваходзіла ў рэпертуар многіх знакамітых зорак джаза.

12 жніўня (нядзеля) 15-00 і 17-00                                                                                                                                       
РЫМЛЯНКА  (La romana). Італія – Францыя, 1954, ч/б, 100 хвіл.
Рэж. Луіджы Дзампа. У ролях: Джына Лалабрыджыда, Даніэль Жален, Франка Фабрыцы.
Сацыяльна-псіхалагічная драма па рамане Альберта Маравіа аб лёсе «дзяўчыны без пасагу», якая атрымала ад жыцця зусім не тое, пра што марыла.

15 жніўня (серада) 15-00 і 18-30
ШЭПТЫ І КРЫКІ (Viskningar och rop). Швецыя, 1972, 91 хвіл.
Рэж. Інгмар Бергман. У ролях: Харыет Андэрсан, Кары Сюльван, Інгрыд Тулін, Ліў Ульман, Эрланд Юзэфсан. 
Псіхалагічная драма з жыцця трох сясцёр – насельніц вялікага маёнтка. Успаміны пра шчаслівае, бестурботнае дзяцінства пераплятаюцца з вязкай сучаснасцю, напоўненай насілу хаваемым незадавальненнем і непрыязнасцю жанчын, няшчасных кожная па-свойму. Класік еўрапейскага артхаўса называў гэтую карціну самай значнай у сваёй творчасці. Адчужэнне блізкіх людзей, якое не раз рабілася стрыжнем твораў аўтара, і тут з'явілася той асноваю, на каторую выкладзена эмацыйная шматслойнасць аповеда. «Оскар» С. Нюквісту за лепшую аператарскую работу; Тэхнічны Гран-пры Канскага МКФ; Прэмія Нацыянальнай рады кінакрытыкаў ЗША за лепшы фільм і рэжысуру (1974).

17 жніўня (пятніца) 15-00 і 18-30
Д'ЯБАЛ У ПЛОЦІ (Le Diable au Corps). Францыя, 1947, 122 хвіл.
Рэж. Клод Атан-Лара. У гал. ролях – Жэрар Філіп і Мішлін Прэль.
Драма першага кахання, у якой Філіп сыграў адну з першых сваіх «зорных» роляў, якія высунулі яго ў шэраг лепшых выканаўцаў рамантычных герояў. Прэміі міжнароднай кінакрытыкі фільму і прэмія Ж.Філіпу за лепшае выкананне мужчынскай ролі на I МКФ у Брусэлі (1947).

18 жніўня (субота) 15-00 і 17-00
НЕБЯСПЕЧНЫЯ СУВЯЗІ (Les Liaisons Dangereuses). Францыя – Італія, 1959, 106 хвіл.
Рэж. Ражэ Вадзім. У ролях: Жанна Маро, Жэрар Філіп, Анэт Вадзім, Жан-Луі Трэнціньян.
Ледзь не лепшая экранізацыя аднайменнага рамана Шадэрло дэ Лакло, хоць дзеянне перанесена ў канец 1950-х гадоў, а маркіза дэ Мертэй і віконт дэ Вальмон сталі сям'ёй звычайных французскіх буржуа.

19 жніўня (нядзеля) 15-00 і 17-00 
ВЯЛІКІЯ МАНЕЎРЫ (Les Grandes manoeuvres). Францыя, Італія, 1955, 110 хвіл.
Рэж. Рэнэ Клер. У ролях: Жэрар Філіп, Мішэль Марган, Іў Рабер, Брыджыт Бардо.
Гісторыя Дон Жуана, які стаў ахвярай уласнай любоўнай гульні, паслужыла нагодай для стварэння гэтай вытанчанай драматычнай камедыі з жыцця правінцыйнага мястэчка пачатку ХХ стагоддзя, дзе ўсе элементы – задума, кампазіцыя, ледзь улоўныя пераходы ад камедыі да драмы, стыль акторскай гульні напамінаюць эпоху французскага класіцызму. «Шэдэўрам густу і розуму» была названа карціна пасля прэм'еры.

22 жніўня (серада) 15-00 і 18-30
САЛЯРЫС. СССР, 1972, 169 хвіл.
Рэж. Андрэй Таркоўскі. Камп. Эдуард Арцем’еў. У ролях: Наталля Бандарчук, Данатас Банаоніс, Юры Ярвет, Уладзіслаў Дваржэцкі, Мікалай Грынько, Анатоль Саланіцын.
Працятая складанымі выяўленчымі метафарамі фантастычная драма па арыгінальна трактаваным рамане Станіслава Лема (1961) пра нейкую касмічную экспедыцыю па вывучэнні невядомай формы разумнага жыцця – Мыслячага акіяна – на планеце Салярыс. Вялікі прыз журы, прыз міжнароднай асацыяцыі кінакрытыкаў (ФІПРЭСІ) на Канскім МКФ; прыз на XXVIII МКФ у Карлавых Варах (1972); Прыз за лепшае выкананне жаночай ролі Н.Бандарчук на XI МКФ у Панаме (1973).

24 жніўня (пятніца) 15-00 і 18-30
ПЕРСОНА (Persona). Швецыя, 1966, ч/б, 85 хвіл. 
Рэж. Інгмар Бергман. У ролях: Ліў Ульман, Бібі Андэрсан, Гунар Бьёрнстранд, Маргарэта Крок,  Ёрген Ліндстром.  
Псіхалагічная драма, у якой адлюстраваны ў максімальна сціснутай, канцэнтраванай, лаканічнай форме практычна ўвесь комплекс ідэй, унутраных перажыванняў, надакучлівых жаданняў вялікага мастака, які адчувае боль і радасць уласнага існавання, варожасць і гармонію навакольнага свету. Адна з самых лепшых, падставовых карцін у шырокай творчасці Бергмана, у якой адлюстраваны перыяд трагічнага адчування нейкага разрыву паміж бачным і сапраўдным. «Залатыя жукі» за лепшыя фільм і жаночую ролю (Б.Андэрсан).

25 жніўня (субота) 15-00 і 17-00
САБОР ПАРЫЖСКАЙ БАГАРОДЗІЦЫ (Notre-Dame de Paris).
Італія – Францыя, 1956, 115 хвіл.
Рэж. Жан Дэлануа. У ролях: Джына Лалабрыджыда, Энтані Куін, Ален Кюні.
Уражальная пастановачным размахам, эфектнымі здымкамі і касцюмамі, напалам страсцей гісторыя безнадзейнага кахання пачвары-гарбуна Квазімоды да красуні-цыганкі, прызнаная ледзь не лепшай і найболей дакладнай экранізацыяй знакамітага рамана Віктора Гюго. Гарачая і яркая манера ігры Д.Лалабрыджыды, дакладнае трапленне ў вобраз Эсміральды абярнуліся лепшым, на думку многіх кінакрытыкаў, яго экранным увасабленнем.

26 жніўня (нядзеля) 15-00 і 17-00                                                                                                                                
ЧУЖЫЯ ЖОНКІ (Pot-Bouille). Францыя, Італія, 1957, 115 хвіл.
Рэж. Жульен Дзювівье. У гал. ролях – Жэрар Філіп, Дані Карэль, Анук Эме, Даніэль Дар’ё.
Рэтра-драма па рамане Эміля Заля "Накіп" пра лёс прадпрымальнага, разумнага, цынічнага і абяззбройна чароўнага правінцыяла, які прыязджае ў Парыж, каб зрабіць кар'еру ў гандлі. Як і заўсёды, у гэтым фільме Філіп акружаны незраўнанымі партнёркамі — Даніэль Дар'ё, Анук Эме, Дані Карэль…

29 жніўня (серада) 15-00 і 18-30
ЛЮБОЎНЫЯ ПРЫГОДЫ БЛАНДЫНКІ (Lasky Jedne Plavovlasky). 
Чэхаславакія, 1965, ч/б, 85 хвіл. 
Сцэн. Мілаш Форман, Яраслаў Папусек, Іван Пасер. Рэж. Мілаш Форман. Камп. Еўжэн Ілін. У ролях: Гана Брэйхава, Уладзімір Пухолт, Уладзімір Меншык, Іван Кейл, Іржы Грубы.
Кранальная трагікамедыя пра тое, як дзяўчыне з маленькага мястэчка вельмі хочацца прыняць выпадковую сувязь з музыкантам з Прагі за «каханне да труны». Ён і не падазрае, што мімалётная інтрыжка павернецца нечаканай госцяй на парозе сталічнай кватэры… Намінацыі на «Оскар» і «Залатога Льва» на МКФ у Венецыі; Прэмія «Бодзіль» за лепшы еўрапейскі фільм (Данія); Прыз «Юссі» лепшаму замежнаму рэжысёру (Фінляндыя, 1986).

31 жніўня (пятніца) 15-00 і 18-30
САМАЯ ПРЫГОЖАЯ ЖАНЧЫНА СВЕТУ (La donna più bella del mondo). Італія – Францыя, 1955, 107 хвіл.
Рэж. Роберт З.Леанард. У гл. ролях – Джына Лалабрыджыда и Виторыа Гасман.
Музычная біяграфічная рэтра-меладрама аб лёсе знакамітай італьянскай опернай спявачкі пачатку ХХ стагоддзя Ліны Кавальеры і яе шчаслівага кахання да рускага князя Барацінскага, дзе Д.Лалабрыджыда з поспехам прадэманстравала розныя грані свайго таленту, самастойна выканаўшы ўсе песні і арыю з оперы Дж. Пучыні «Тоска». Яе роля ў гэтым фільме адзначана прэстыжнай італьянскай кінапрэміяй «Давід дзі Данатэла» ў намінацыі «лепшая актрыса».

01 верасня (субота) 14-00 і 17-00
СТАЛКЕР. СССР, 1979, 163 хвіл.
Рэж. Андрэй Таркоўскі. У ролях: Аляксандр Кайданоўскі, Аліса Фрэйндліх, Анатоль Саланіцын, Мікалай Грынько, Наташа Абрамава.
Філасофская прыпавесць па матывах фантастычнай аповесці «Пікнік ля ўскраю» Аркадзя і Барыса Стругацкіх, спалучаючая прастату формы са складанасцю і глыбінёй думкі. Прыз экуменічнага журы на МКФ у Канах (1980); асаблівае ўзгадванне журы гледачоў на МКФ у Порту (1983).

02 верасня (нядзеля) 15-00 і 17-00
ЛЮСТРА.  СССР, 1974,  107 хвіл.
Рэж. Андрэй Таркоўскі. У ролях: Маргарыта Церахава, Анатоль Саланіцын, Мікалай Грынько, Алла Дземідава, Юры Назараў, Алег Янкоўскі.
Крайне напружаны па эмацыйным напале фільм-споведзь, пабудаваны на аўтабіяграфічным матэрыяле і найболей поўна выказваючы асобу А.Таркоўскага. Прэмія «Давід Данатэла» за лепшы замежны фільм года ў Італіі (1980; па выніках апытання ФІПРЭСІ ўлучаны ў спіс 100 лепшых фільмаў свету (1995).